Federación Española de Esperanto

Presentazión

Hispana Esperanto-Federacio ye l'asoziazión que s'ocupa d'a espardidura e la informazión sobre lo Esperanto en España a nibel de tot lo país. HEF ye l'asoziazión nazional de Universala Esperanto-Asocio ta España.

Seguntes as suyas ordinazións, HEF ye neutral, no ye una asoziazión pertenexién a garra partiu pulitico, sien d'ideolochía propria, e alazetalmén ocupada en a espardidura e emplego d'a luenga internazional Esperanto.

Hispana Esperanto-Federacio tien un carauter organizatibo mixto. Lo forman miembros presonals, que se inscriben indibidualmén e miembros coleutibos, normalmén asoziazións rechionals españolas u clubs locals. Os miembros coleutibos bosan una conduta diferién. As ordinazións tamién obligan a la creyazión d'a categoría "simpatizán", pero no'n ye usada autualmén.

A Federazión estió creyada en 1947. Dimpués d'o fin d'a Guerra Zebil en España desaparexioron a mayoría d'as asoziazións existéns dica ixe inte e no quedaban que endibiduos isolatos e cualques clubs locals, en unas zircunstanzias no guaire faborables. Solo en ixe año estió posible tornar a creyar una asoziazión nazional, que dende alabez funziona ininterrompidamén, anque con bels cambeos en a suya organizazión e ochetibos.

HEF tien una ofezina propria en Madrid, en a carrera Rodríguez San Pedro, 13, en do se i troba a siede ofizial. Amás de chiquez recursos materials, astí se i troba tamién la Biblioteca Juan Régulo Pérez, con más de 3.500 libros e d'atros materials. HEF tamién almenistra la pachina www.esperanto.es. HEF se refirma en una fundazión, Fundación Esperanto, ta ochetibos finanzieros e editorials.

HEF edita o suyo proprio boletín, cuatrimestral, que conserba lo nombre tradizional en español "Boletín". Amás patrozina lo congreso anual, a mayoría de begadas organizato per asoziazións locals u rechionals en diferiéns ziudaz d'o país.

Ta saber-ne más escribe un correu eleutronico a l'adreza: Esta dirección de correo electrónico está protegida contra spambots. Usted necesita tener Javascript activado para poder verla.. Ta conduzir-te a l'asoziazión, besita la pachina correspondién.

Las cookies nos permiter ofrecer nuestros servicios. Si continuas navegando, aceptas el uso que hacemos de la cookies. --- Kuketoj ebligas al ni oferi niajn servojn. Se vi eniras nian paĝaron, vi akceptas tion.
Para saber más sobre las cookies lea nuestra / por scii pli pri la kuketoj legu nian política de privacidad / protokolon pri privateco .

  Acepto las cookies en este sitio. Mi akceptas la kuketojn.
EU Cookie Directive Module Information